Sasakala kuda teu tandukan.

http://gudangnyacerita.blogspot.com

Sakabeh sato lamun rengse nyatuan, Kabeh sok ngareret nyampeurkeun kuda asa teu geunah rasana lamun teu ningali kuda, Cenah jaman haritamah kuda teh tandukan, keur jangkung badag bari buluna luis tur herang katambah ku boga tanduk,Geus we pohara gagahna.

sakapeung sato sejen sok iri ka sakadang kuda ku kakasepan nana.

Dina hiji poe kuda keur nyatuan, tuluy we aya Uncal nyampeurkeun, kacaritakeun Uncal teh kabitaeun pisan ku tanduk kuda.

Uncal ngawanikeun kareup menta ngajaran eta tanduk.

" Kuda...Kaula ngajartan tanduk hayang apal lamun kaula make tanduk panteus hanteuna..!

"Is.... ulah hese ngalana..!

"Kuda naha manehteh berewit berewit teuing..! cing kaula ngajaran sakeudeung di dieu, da kaula ge moal kabur ieuh, barianage lamun kaula mawa kabur tanduk anjeun da meureun kapanggih da kaula teh lain sato saliwat unggal poe ge papanggih pagiring gisik lain kitu?

" Bikeun atuh Kuda... eta sakadang Uncal arek ngajaran barinage manehmah teu make tanduk oge pohara gagahna, Mantak iri sato nu lian  "Omong Munding bari ngareret ka gigireun kuda.

"Sakadang Munding...! tapi manaeh kudu tanggung jawab lamun aya naon naon kana tanduk urang..

"Heug.. kaula ilu tanggung jawab...ceuk sakadang munding.

Porosot weh eta tandukteh di ala jiga nu beurat katingalina.

"Yeuh...! "tanduk di asongkeun ka hareupeun uncal, kerewk eta tanduk di jewang ku uncal tuluy we  di pake harita keneh.

Sangges make tanduk, sakadang uncal jadi legeg sakapeung geudag geudig bari tungkul jeung tanggah asa kasep. Da memang eta tanduk teh meujeuh na pisan.

"Geuning kaula teh panteus make tanduk nya...?

Ningali polah uncal kuda ukur nyerengeh anggeur bari terus nyatuan nya puguh we da kuda teh lapar harita teh.

Salila nyatuan kuda teu ngarertan uncal..

Beuki lila uncal beuki ngajauhan nyatuana ti kuda terus terus beuki ngajauhan...

sanggeus ngarasa aman Beureubet we Uncal lumpat sateker keubek....

"Sakadang kuda bareung ningali uncal lumpat teu tuluy ngudag tapi sanggeus sadar yen tandukna di bawa kabur ku Uncal  "Kuda mabret lumpat ngudag uncal...

Uncal Asup ka leuweung nyuksurukeun kareup..

Hanjakal nu di udag leuwih tarik lumpatna tibatan nu ngudag, sakadang kuda ngulincer mapay leuweung tapi eta sakadang uncal teh weleh eu kapanggih.

Kuda pohara kaduhung jeung hanjakalna, Tuluy we kuda indit nyampeurkeun sakadang munding, da tadi ngomongna rek ilu tanggung jawab lamu aya naon naon kana tanduk.

"Sakadang Munding kadieu maneh....!

"Aya naon kuda?

"Tanduk kaula di padog ku Uncal manaeh kudu tanggung jawab...

"Ahh Kuda anjeun teh mani riweuh pisan... keun we atuh tanduk di bawa ku uncalmah..tingali atuh awak maneh jangkung badag kasep, teu make tanduk ogen.. Lamun maneh make tanduk bakal loba satu anu Iri ka maneh... Sok jongjonkeun we tandukmah..

"Kuda di leuleuyan ku munding..

Ngadenge omongan munding.. kuda rada leuheung teu ambeuk teuing.

Ti sabot harita kuda teu eureun neangan Uncal.. unggal kapanggih sakadang uncal sok tara beunang wae di udag.

Nepi ka jaman kiwari kuda masihkeneh bendu ka uncal... ku lantaran tandukna di badog..

Mangkana Manusa lamun moro uncal sok numpak kuda  ku lantaran lamun kuda nempo uncal lumpatna sok tarik kulantaran rek ngarebut eta tanduk tea.

Salajeungna - Sasakala kuda teu tandukan.

Pentingna Tatangga.

Penting na tatangga teh, kacida pisan pang pang namah lamun urang keur aya ka butuh jeung karipuh,
da karasa ku sewang sewangan ari keur bagja, bungah mah, boro boro ingeut ka nu jadi tatangga teh
nu di heulakeun mah pasti we anu saeusi imah nyatana ibu rama urang terus dulur adi lanceuk tah pasti
kabalateran, moal ujug ujug ka tatangga ieuh.kuring kamari katukang ngarasa sorangan dina waktos kuring
ka timpa musibah (gering) harita di imah ngan aya kuring sareung indung  budak eh aya hiji dei ketang
budak kuring karek smp teu ngarti jeung teu bisa nanaon pikeun nulungan kuring nu keur babngkieungan
di gulung ka nyeuri pamajikan mah angot meureun riwas ningali kuring ajrag teu cicing golehe ka katuhu,
golehe ka kenca, kuniang hudang, bureubet ka WC da rarasaan teh hayang kahampangan bae,
leos deui ka hareupeun pamajikan kuring, gubrag nga beubeutkeun awak tangtuna kana kasur,
da kana tembok mah meureun nyeri pikir kuring.

di usapan ku pamajikan di balur gandapura sugan jeung sugan rada leuheung,
di rarsakeun teh kalah beuki nyrokcok ieu kanyeri nga gulung, teu puguh rarasaan.
"akang kumaha nelepn dokter wae? ceuk pamajikan, Nya sok da akang ripuh kacida.
leos pamajikan ngaronjat Hp anu ngagoler rada anggang dina korsi, buru buru di pencet No anu di tuju teh,
pamajikan ilu ciling cingcat alahmanan hayam arek ngendog, nya puguh we da ningali salaki anu keur apreuk - apreukan, No anu di tuju euweuh wae ngangkat meureun ngendeuk sabaraha menit.

"Hallo Assalamualaikum...!"

kadangu sora rada serak jiga anu karek hudang sare "Halo Dok..? " tempas pamajikan" ieu sareung Bu Darsim,,!
"nya kumaha Bu..?

teu loba basa basi , teu jiga biasa na pamajikan kuring, biasa namah lamun ngobrol tara kana inti na langsung sok aya selingan heula, tapi peuting eta mah beda.
"ieu kang Darsim teu damang dok..! tiasa kadieu teu ayeuna pisan?
"aduh Ibu punteun pisan Abdi na nuju Tugas di Ci gencoi, tembal dokter.
Mangga atuh pa Assalamualaikum, nut nut nut... telepon di tutup ku pamajikan bari rada keuheul.

"Nyi cik teang mang Uding ieu tulungan kituh..
kabeuneuran Mang Uding imah na pang deukeut na jeung imah kuring.
teu loba carita pamajikan indit kanu di tuju nyatana mang Uding tea.
Teu lila pamajikan datang bari di tuturkeun Ku mang Uding.
kuring sasadu ka mang Uding " ieu hapunteun we mang Uding kuring ngarerepot tulngan kuring,
"Ahh heunteu tempas mang Uding " kumaha ieu Nyeri naon..?
mang Uding ieu beuteung kuring Nyeri sabeulah nyeri nyeri kacida.. tembal kuring bari nahan ka nyeuri.
"kumaha atuh neang Dokter ?

"Nya...! temabal kuring semu tarik, . Gancang mang Uding indit neang dokter.
ngadadago meureun aya kana 15 menit tan mah. datang we mang Uding teh Kuring bungah.
tapi harita keneh kabungah kuring luntur ku kanyeuri katambah Dokter anu di teang teh euweuh, cek mang oding gancang nyarita "Dokter nage areuweuh nu ker tugas tea, nu keur nganjang, poknamah Dokter anu aya di wilayah dieu Hartita keur euweuh.

singkat carita kuring di bawa ka Dokter ku Mang uding nepika di tungguan, sagala.
Alhamdulillah ku jalan sareat kuring di obatan ku dokter ka nyeri leungit (damang)
teuges namah Mang uding nulungan kuring dina kaayaan ker butuh ke ripuh.
tah sukur kacida boga Tatangga anu jiga mang Uding teh. Salilana jasa mang Uding bakal di inget ku kuring.
Mugia Allah anu maha welas tur maha asih. ngabales kahadean mang Uding Aminn,,
(inget jaga karukunan tatangga)

"Di pungkas wae dugi kadieu, ku sabab Mang uding arek neanagn dokter deui, tatangga sabelah deui na.. Mules lambut.


(Di kutip Tina Obrolan Kang Dadang Sareung Mang Uding)

Salajeungna - Pentingna Tatangga.

Siksa Kubur (pupujian sunda)

Eling eling ikhwan ikhwan

sing emut kana siksaan

eureunkeun ka maksiatan 

masing emut ka pangeran

Elingkeun siksa kubur

nu aya dina pitutur

emutkeun sadaya dulur

banget pisan siksa kubur

Kasaha nyuhunkeun tulung

lian ka Allah nu Agung

siksa Allah nu Agung 

sengseredan heunteu suwung

Bareung jol munkar wanakir

mantak sieun ka laleutik

mariksa bari ngagidir 

nu matak kudu jeung pikir

Tului jasad geugeuroan 

tapi taia nu nulungan

dunya mah heunteu nulungan 

anging amal sareung iman

Eling eling ikhwan ikhwan

sing emut kana siksaan

eureunkeun ka maksiatan 

masing emut ka pangeran

Tuluy jasad geugeuroan 

tapi taya nu nulungan

dunya mah heunteu nulungan 

anging amal sareung iman.

Salajeungna - Siksa Kubur (pupujian sunda)